«Манчестер Юнайтед» собиқ академия мураббийи билан музокараларни бошлади
17 мая 2024 10:20
Новости

«Манчестер Юнайтед» собиқ академия мураббийи билан музокараларни бошлади

«Манчестер Юнайтед»ни бошқариш учун яна бир даъвогар пайдо бўлди.

Клуб раҳбарияти «Испич Таун» жамоаси бош мураббийи Киран Маккенна билан музокараларни бошлаб юборган. Ҳозирча музокараларнинг бошланғич босқичи давом этмоқда. Яқин кунлар ичида келишув ҳақида аниқ маълумотлар пайдо бўлади.

Маълумот учун, Киран 2016-2021 йиллар оралиғида МЮ академиясида фаолият олиб борган. 2021 йилнинг маълум қисмида эса катта жамоада ёрдамчи мураббий сифатида ишлаган.

38 ёшли мураббий 2021 йилнинг декабрь ойида «Испич Таун»га бош мураббий этиб тайинланди. У жорий мавсум жамоани 22 йиллик танаффусдан сўнг яна АПЛга қайтарди.