"Манчестер Юнайтед" ФИФА кунларида мураббий қидиришга фаол киришади

Манбанинг хабарига кўра, манкунианликлар келаси мавсумдан бошлаб жамоани бошқарадиган мураббий топиш учун ФИФА кунларидан унумли фойдаланмоқчи.

Маурисио Почеттино ва Эрик тен Хаг ушбу лавозим учун энг яхши вариантлар бўлиб турибди. ПСЖ ва "Аякс"нинг Чемпионлар лигасидан чиқиб кетиши МЮга ушбу мураббийлар билан тезроқ музокараларга киришишига имкон яратади.

Шунингдек, "қизил иблислар" Томас Тухелни таклиф қилиш умидида "Челси"да бўлаётган воқеаларни кузатиб боришмоқда, аммо ҳозирча уни жалб қилиш имконияти юқори эмас.

Луис Энрике (Испания), Хулен Лопетеги ("Севилья") ва Карло Анчелотти ("Реал Мадрид") ҳам номзодлар рўйхатидан ўрин олган.

Ҳозирда "Манчестер Юнайтед"ни бошқараётган Ральф Рангникнинг шартномаси жорий мавсум охиригача амал қилади.