“Манчестер Сити” Испания примьероси дебютантига ютқазиб қўйди

Жиронадаги “Мунисипаль де Монтиливи” стадионида ўтган баҳсда майдон эгалари 1:0 ҳисобида ғалаба қозонишди.

Учрашувдаги ягона гол 14-дақиқада ярим ҳимоячи Кристиан Португес ҳисобига ёзилди.

Таъкидлаш жоизки, мазкур баҳсда “шаҳарликлар” таркибида бир қатор етакчи футболчилар майдонга тушишмади. АПЛнинг 1-турида “Брайтон”га қарши майдонга тушган футболчилар орасидан Данило, Жон Стоунс, раҳим Стерлинг, Лерой Сане, Бернарду Силва, Николас Отаменди ва Габриэль Жезуслар ҳаракат қилишди. Эътиборли томони “Жироно”га қарши “Сити” сафида декабр ойидан бери илк марта жароҳатдан қутилган Илкай Гюндоган ҳам майдонга тушди.