"Манчестер Сити" асосий хавбеки бўлажак ўйинларни ўтказиб юборади

"Манчестер Сити" ярим ҳимоячиси Бернарду Силва жамоанинг бўлажак ўйинларида қатнашмайди. Бу ҳақда "Evening Standard" нашри хабар бермоқда.

Футболчи Чемпионлар Лигаси 1-туридан ўрин олган "Црвена Звезда"га қарши ўйинда жароҳат олганди. Португалияликнинг тикланиш муддати ҳозирча номаълум.

"Манчестер Сити"нинг навбатдаги ўйини 23 сентябрь куни ўз майдонида "Ноттингем Форест"га қарши ўтади. Шунингдек, "шаҳарликлар" ой охирига қадар Лига Кубогида "Ньюкасл" (27 сентябрь) ва АПЛда "Вулверхэмптон" (30 сентябрь) билан ўйнайди.