Маъмур Икромов: “Бор эътиборимиз “Фулад” билан ўйинга қаратилган”

Лекин “Локо”нинг Осиё Чемпионлар лигасининг “Ал Ҳилол”га қарши ўтган дастлабки турида ёш посбон Аброр Каримов асосий таркибга киритилганди. Лекин Икромов ўзига албатта имконият берилишидан умидворлигини айтди.

“Мен “Локомотив”га катта мақсадлар билан ўтганман, - дейди Икромов. – “Ал Ҳилол”га қарши ўйинда майдонга тушишимни кутгандим. Аммо мураббийлар Аброр Каримовга ишонч билдиришди. Шунга қарамасдан, бизда ажойиб жамоа бор. Қачондир мен ҳам ўз ўйинларим билан “Локомотив”га ёрдам беришимга ишонаман. Мураббийлар ишончини қозониш учун астойдил ҳаракат қиламан. Олдимизда турган вазифа эса “Фулад”ни мағлубиятга учратишдир.

Ҳозирда барчамизнинг фикру-ҳаёлимиз ушбу ўйинга қаратилган. Шу ўринда бир масалага ойдинлик киритиб ўтмоқчиман. Олдинги интервьюмда “Нефтчи”, “Шўртан” ва “Бухоро” клублари ҳакда гапирганимда, мухлислар буни нотўғри тушунишибди. Мен бу жамоаларни камситмагандим, шунчаки ҳозирги вазиятда чемпионлик учун кураша олмаслигини назарда тутиб айтгандим. Аслида улар ҳурматга лойиқ клублардир. Агар гапим мухлисларга оғир ботган бўлса узр сўрайман. Бу жамоаларга янги мавсумда омад тилайман”.