Малиновский "Аталанта"дан кетишни истамоқда

Украина терма жамоаси ва "Аталанта" клуби ярим ҳимоячиси Руслан Малиновский қишки трансфер ойнасида жамоани тарк этмоқчи.

Манбага кўра, футболчининг бош мураббий Жан Пьеро Гасперини билан муносабатлари яхши эмас. Ярим ҳимоячига "Тоттенхэм", "Ноттингем Форест" ва "Марсель" клублари қизиқиш билдирмоқда. "Аталанта»"футболчини январь ойида сотиши мумкин, чунки унинг шартномаси 2023 йилнинг ёзида тугайди.

29 ёшли Малиновский жорий мавсум "Аталанта" сафида 9 та ўйинда майдонга тушиб, 1 та гол урди ва 1 та голли пас узатди.