Максим Шацких: "Икки кундан кейин яна ўйинимиз бор, йигитлар тикланишлари керак"
15 авг 2024 23:57
Новости

Максим Шацких: "Икки кундан кейин яна ўйинимиз бор, йигитлар тикланишлари керак"

Ўзбекистон кубоги чорак финал босқичидан ўрин олган "Бунёдкор" - "Пахтакор" (0:1) учрашувидан сўнг меҳмонлар бош мураббийи Максим Шацких матбуот анжуманида иштирок этди.

Ўйин ҳақида

- Бугун мухлислар Ўзбекистон кубоги доирасидаги учрашувда дерби гувоҳи бўлишди. Биринчи бўлимда ўйин назоратини қўлга олишга ҳаракат қилдик, бироқ режамиз тўлиқ амалга ошди деб айта олмайман. Икки кундан кейин яна ўйинимиз бор, йигитлар тикланишлари керак. Тиғиз тақвим. Айрим чизиқларда ротацияларни амалга оширишга ҳаракат қилдик. Шунингдек, майдон ҳолати ҳам сифатли футбол учун имкон бермади. Бундай майдонда узатмалар аниқ етиб бормайди, дриблинглар ҳам ўхшамайди.

- Ибрагимовнинг алмаштирилишига сабаб нима?

- Ҳа, буни унинг ўзи сўради. Шу боисдан ҳам алмаштирдик.

- Ўйин учун қандай услубни режа қилгандингиз?

- Албатта, ғалабани мақсад қилгандик. Биринчи бўлимнинг дастлабки қисмиданоқ олдинга ўтиш, ҳужумлар ташкил этиш ва шу орқали ғалабага эришиш. Барчаси доим ҳам ўхшайвермайди. Лекин умумий мақсад кейинги босқичга қаратилганди, бунга эришдик.

Ссылка :

Источник : championat.asia

Получайте новости прямо в Telegram!

Рейтинг: +3