Максим Шацких: “Фаолиятимни якунлаш ҳақида ўйлаганим ҳам йўқ”

“Йиғиннинг илк кунларидан жамоа билан биргаман. “Говерла” машғулотлари Ужгороднинг ўзида ташкил этиляпти. Аммо, ҳали бирорта ҳам назорат ўйини, хатто икки таркибга бўлиниб ҳам ўйнамадик. Машғулотлар кунига икки маҳалдан ўтказиляпти. Одатдагидек шуғулланяпмиз. Билишимча, яқин кунларда 3-4 та ўртоқлик учрашувлари ўтказамиз.

Жамоанинг футболчилардан қарзи борми? Йўқ дея олмайман. Клуб раҳбарияти тез кунда барча билан ҳисоб-китоб қилинишига ваъда берди. Энди Украинадаги вазият барчага аёнку. Биз футболчилар ҳам буни жуда яхши тушуниб турибмиз ва ўз вазифамизга профессионал тарзда ёндашяпмиз.

Шахсан ўзимга келсак, айни пайтда жуда яхши ҳис қиляпман. Ҳали бутсани михга илиш ҳақида ўйлаганим ҳам йўқ. Ҳар ҳолда мураббий ҳаракатларимдан, ўйинга бўлган иштиёқимдан қониқиш ҳосил қилмоқда”, — деди Шацких.