Максим Шацких: "Агар таклиф бўлганида Осиё клубига ўтардим"

"Анчадан буён мураббийлик қилишни ўйлаб келаётгандим. Кичик жароҳат олганимдан сўнг бу истак янада кучайди ва якуний қарорни қабул қилдим. Дастлаб вазиятни ўрганаман, ўқийман ва ўз устимда ишлайман", - дейди Шацких "ФутБум" нашрига.

"Фаолиятим давомида оғир жароҳатлар мени четлаб ўтганди. Кичик жароҳатлар бўлганди, аммо операция қилинмаганман. Ҳозир аниқ таклиф йўқ бўлган пайтда операция қилдиришдан нима фойда? Осиёда трансфер ойнаси фақат ёзда очилади. Балки Осиёда ўйнашим мумкин эди. Аммо аниқ таклиф йўқ эди. Агар таклиф бўлганида операция қилдирардим. Яқинда сунъий майдонда ўйнаганимда оёғим оғриб қолди", - дейди ўзбекистонлик футболчи.

Шацких Киевнинг "Динамо" клубининг 1999 йилда туғилган футболчилардан иборат жамоа мураббийи Виталий Косовскомга ёрдам беради.

Максимнинг охирги клуби Винниковнинг ҳаваскор "Рух" клуби бўлганди. У ўтган йил июль ойидан декабрь ойига қадар ўйнаганди.