Мак Аллистер "Ливерпул"га ўтиши ҳақида: "Менинг орзум ушалди"

"Ажойиб туйғу. Бу менинг ушалган орзум, бу ерда бўлиш жуда ажойиб ва иш бошлашни интизорлик билан кутяпман. Мавсумга тайёргарликнинг биринчи куниданоқ жамоада бўлишни хоҳлардим, шунинг учун ҳаммаси тайёр бўлгани яхши. Жамоадошларим билан учрашишни интиқлик билан кутяпман. Бу мен учун фантастик йил бўлди – Жаҳон чемпионати ва "Брайтон" билан эришган ютуқларимиз. Аммо энди "Ливерпуль" ҳақида ўйлаш ва яхшироқ футболчи бўлишга ҳаракат қилиш вақти келди".

"Ливерпуль" 24 ёшли футболчи билан узоқ муддатли шартнома имзолаганини эълон қилди. ОАВ хабарига кўра, келишув 2028 йилнинг июнь ойи охиригача тузилган.