Магометов ишдан кетди, ўрнига ПФЛга янги раҳбар тайинланди
10 окт 2017 20:44
Новости

Магометов ишдан кетди, ўрнига ПФЛга янги раҳбар тайинланди

Бугун, 10 октябрь куни Ўзбекистон Футбол Федерацияси мажлислар залида навбатдан ташқари йиғилиш бўлиб ўтди.

Кун тартибидан Ўзбекистон Профессионал футбол лигаси раҳбариятидаги ўзгаришлар масаласи ўрин олди. Шу вақтга қадар ЎзПФЛ Бош директори лавозимида ишлаб келган Фарҳод Магометов ўз вазифасидан озод этилди. Унинг ўрнига Омон Ғофуров ЎзПФЛ янги Бош директори этиб тайинланди.

Маълумот учун: Ғофуров Омон Файзуллаевич 1984 йил, 14 август куни Тошкент шаҳрида таваллуд топган. Миллати - ўзбек. Маълумоти - олий. Ўзбекистон давлат жаҳон тиллари университетини тамомлаган. Фаолияти давомида спорт ташкилотлари, шу жумладан, Ўзбекистон Республикаси Маданият ва спорт ишлари вазирлигида турли лавозимларда ишлаган. Рус, испан ва инглиз тилларида сўзлаша олади.