Мадридда "Мбаппе қонуни" қабул қилинади
22 апр 17:40
Новости

Мадридда "Мбаппе қонуни" қабул қилинади

Ҳукумат Мадридда фаолият олиб бораётган ва инвестиция киритган хорижликлар учун регионал даромад солиғини бекор қилмоқчи.

Маълумотларга кўра, жамоатчилик бу вазиятни "Мбаппе қонуни" деб аташни бошлаб юборган. Ҳолат 2005 йил "Реал" сафида Дэвид Бекхэм тўп тепган даврда бўлганидек, хорижликлар камроқ солиқ тўлашлари учун яратилган енгилликни ёдга солмоқда. Бу қарор нафақат франциялик ҳужумчига қўл келади, балки хорижлик инвесторларни жалб қилишда ҳам муҳим роль ўйнайди.

Бу қарор 24 апрель куни навбатдаги йиғилишдан кейиноқ қабул қилиниши мумкин. Қонунга киритилиши кутилаётган ўзгартириш Мадрид ассамблеясида овозларнинг кўпчилик қисмини олиб улгургани айтилмоқда. Қонун ПСЖ ҳужумчиси Килиан Мбаппенинг "Реал"га ўтганидан кейин қабул қилинса ҳам, у 2024 йилда Испанияда иш бошлаганларнинг барчаси учун амал қилади.

Ушбу қонуннинг максимал амал қилиш муддати 6 йилни ташкил қилади. Бунинг учун солиқ тўловчи шу муддат давомида бошқа шаҳар/мамлакатга кўчиб ўтмаслиги талаб қилинади.

Ссылка :

Источник : elcaso.elnacional.cat

Получайте новости прямо в Telegram!

Рейтинг: +9