Мадрид мэри - Куртуага ЧЛ-2014 финали ҳақида: "Сен билан бирга Лиссабонда йиғлаганлар ҳам тўғри томонда"
30 мая 2022 13:37
Новости

Мадрид мэри - Куртуага ЧЛ-2014 финали ҳақида: "Сен билан бирга Лиссабонда йиғлаганлар ҳам тўғри томонда"

Мадрид мэри "Реал"нинг Чемпионлар Лигасидаги ғалабасини нишонлаш пайтида ҳазил қилди.

Хосе Луис Мартинес-Алмейда - "Атлетико" мухлиси, Тибо Куртуа эса 2011-2014 йиллар давомида жамоа шарафини ҳимоя қилган.

Куртуа "Ливерпуль" (1:0)га қарши Чемпионлар Лигаси финали олдидан: "Реал" финалга қадар етиб борганда, уни ютган. Эндиликда мен тўғри томондаман".

"Реал"нинг мусобақадаги ғалабасини нишонлашида иштирок этган Мадрид мэри: "Реал" ўзида XX асрнинг энг яхши клуби мақомини сақлаб турибди... Айни пайтда эса XXI асрнинг ҳам".

Сўнгра Мартинес-Алмейда Куртуага мурожаат қилди: "Сен бир неча йиллар менга завқ бергансан. Чин юракдан сенга битта нарсани айтишимга изн бер: сен билан Лиссабонда йиғлаганлар ҳам тўғри томонда".

"Реал" 2014 йилда "Атлетико"ни Чемпионлар Лигаси финалида 4:1 (қўшимча таймлардан сўнг) ҳисобида мағлуб этган эди. Куртуа ўша ўйинда "рохибланкос" дарвозасини қўриқлаган.