Лукаку "Интер"да ўзи учун ноодатий бўлган рақамни олди

Миланликлар мавсум охиригача "Челси"дан ижарага олинган ҳужумчига 90-рақамни беришди.

Эслатиб ўтамиз, ҳужумчи 2019 йилдан 2021 йилгача Милан клубида 9-рақам остида тўп тепган, аммо бу рақам ҳозирда Эдин Жекога тегишли.

29 ёшли Лукаку "Челси"да 2011 йилдан 2014 йилгача ва 2021 йилда ўйнаган. У "аристократлар" сафида жами 59 та ўйин ўтказиб, 15 та гол урди ва 3 та голли узатмани амалга оширди. 

У илгари "Андерлехт", "Вест Бромвич", "Эвертон" ва "Манчестер Юнайтед" клублари шарафини ҳимоя қилган. Бельгия терма жамоасида 101 та ўйинда майдонга тушиб, 68 та гол урган.