Лукаку: "Бошқа жамоаларнинг қизиқиши ҳақида ўйламаяпман"

"Мен бошқа жамоаларнинг қизиқиши ҳақида ўйламаяпман. Мен шунчаки ўзимни максимум имкониятимни ишга солиб майдонда ўйнашга ҳаракат қиламан. Мен футболчи, инсон сифатида янада кучлироқ бўлдим. Ўйиним ҳам ўсди дея оламан. Мен учта учрашувни яхши ўйнаб, кейинги баҳсларда ўйинимни йўқотиб қўяётганим йўқ. Бир маромда ўйнашда давом этмоқдаман. Катта футболчи мавсумни бир хил темпда ўтказишади ва консентрацияни йўқотишмайди. Ушбу мавсумдан кўнглим тўлмоқда. Янада кучайиб боришни ва ўйинимни яхшилашни истайман ва шунга яраша меҳнат қилмоқчиман", - дейди Лукаку.