"Локомотив"нинг янги футболчилари қайси рақамларда ўйнашади?

“Темирйўлчилар” 4 нафар янги футболчини ўз сафларига кўшиб олишди. Ўзбекистон терма жамоасининг узоқ йиллик сардори Сервер Жепаров 6 йиллик танаффусдан сўнг яна олий лигага қайтди. Жанубий Корея ва Саудия Арабистони чемпионатларидан тўп тепган ярим ҳимоячи “Локомотив” сафида 8-рақам остида ҳаракат қиладиган бўлди.

Охирги йилларни “Пахтакор” сафида ўтказган Кахи Махарадзе ҳам 2016 йилги мавсумни “Локо”да бошлайди. Грузиялик футболчи Ўзбекистонга келганида дастлаб “Локомотив” таркибида ўйнаганини кўпчилик яхши эсласа керак. Футболчи “темирйўлчилар” таркибида 5-рақамда ўйнайди.

Малайзия лигасида фаолият олиб борган Садриддин Абдуллаев ҳам “Локомотив” учун бегона эмас. Хорижга йўл олишдан аввал футболчи айнан шу клуб шарафини ҳимоя қилган. Ярим ҳимоячига 7-рақамли футболга топширилди.

“Машъал” клуби тарбияланувчиси ҳисобланган Шерзод Файзиев бу йилдан эътиборан “Локомотив” шарафини ҳимоя қилади. 24 ёшли ҳимоячи Тошкент клуби сафида 37-рақамда ўйнайдиган бўлди.

“Локомотив” сафини қишда Шавкат Муллажонов, Иброҳим Раҳимов, Лутфулла Тўраев ва Дилшод Раҳматуллаев тарк этишди.