"Локомотив" Украина чемпионати аутсайдерини йирик ҳисобда таслим қилди
07 фев 2021 15:45
Новости

"Локомотив" Украина чемпионати аутсайдерини йирик ҳисобда таслим қилди

Айни пайтда Туркияда йиғин олиб бораётган Тошкентнинг "Локомотив" клуби бироз аввал учинчи назорат учрашувида майдонга тушди.

Рақиб Украина чемпионати иштирокчиси "Днепр-1" клуби бўлди. "Темирйўлчилар" айни пайтда Украина премьер-лигасида 14та клуб орасида 14-ўринни эгаллаб турган "Днепр-1"ни йирик ҳисобда мағлуб этишди.

"Локомотив" сафида Санжар Қодирқулов, Садриддин Абдуллаев ва Диёржон Туропов гол уришди.

Бунгача "Темирйўлчилар" Украинанинг "Десна" (0:0) ва Латвиянинг "РФС" (0:1) клублари билан назорат учрашувларини ўтказишганди.

"Локомотив" - "Днепр-1" 3:0

Голлар: Санжар Қодирқулов 46, Садриддин Абдуллаев 63, Диёржон Туропов 86.

"Локомотив": Жавоҳир Илёсов, Шуҳрат Муҳаммадиев, Исломжон Қобилов, Диего Барданка, Хуршид Мухторов, Кахи Махарадзе, Ғулом Ҳайдар Ғуломов, Ислом Рашидхонов, Санжар Қодирқулов, Азизбек Аманов, Темурхўжа Абдухолиқов.
Захира: Абдумавлон Абдужалилов, Бобуржон Асқаров, Дилшод Комилов, Садриддин Абдуллаев, Жавоҳир Сидиқов, Жавоҳир Алижонов, Марат Бикмаев, Шоҳруҳ Исоқов, Иброҳим Ғанихонов, Авазбек Ўлмасалиев, Жалолиддин Жумабоев, Шерзод Файзиев, Диёр Туропов, Фарруҳ Иброҳимов.