“Локомотив” тарбияланувчилари хотира турнирида учинчи бўлишди

“Joma” спорт кийимлари компанияси ҳомийлик қилган ушбу турнирда 2004-2005 йилда туғилган футболчилар иштирок этишди.

Мазкур мусобақада қатнашган “Локомотив” футбол мактабининг 2004/2005 йилларда туғилган тарбияланувчилари якунда учинчи ўрин соҳиби бўлишди. Эркин Саидов бошқараётган футбол мактабимиз тарбияланувчилари турнир давомида ўзларидан илиқ таассурот қолдиришди.

Суннат Рўзиев ва Дилшод Атамуҳамедов бошқарувидаги ёш “темирйўлчилар” “А” гуруҳида баҳсларга киришишди ва гуруҳдаги ҳар учала ўйинда ғалаба қозониб ярим финалга йўл олишди.

1-тур. “Локомотив” – “Дилкушо” 4:2
2-тур. “Локомотив” – “Бухоро” СК 3:2
3-тур. “Локомотив” – “Бухоро” ПФК 2:1

Жами саккизта жамоа иштирок этган хотира турнири ярим финал учрашувини “В” гуруҳи пешқадами “Олимпик”ка қарши ўтказган “Локомотив” бу ўйинда рақибига 2:3 ҳисобида ютқазиб қўйди. Натижада учинчи ўрин учун кечган беллашувда майдонга тушган футболчиларимиз СДЮСШОР-6 устидан 3:2 ҳисобида ғалаба қозонишди.

Мусобақа якунида одатдагидек ғолиб ва совриндорларни тақдирлаш маросими бўлиб ўтди. Бунда чизиқлар бўйича энг яхшилар ҳам аниқланди. “Локомотив” дарвозабони Муродов Дилшод “Энг яхши дарвозабон” деб топилган бўлса, Ниғмонов Амирҳайит 10та гол билан мусобақанинг “Энг яхши тўпурари” бўлди.