“Локомотив” тарбияланувчилари “Локомотив” (Москва) – “Анжи” (Махачқалъа) ўртасидаги ўйинни очиб берадилар

Кеча Суннат Абдурасулов ва Станислав Прохоров шогирдлари “ЦСКА” (Москва) клубига қарши майдонга тушдилар ва минимал ҳисобларда учрашувни бой бердилар. Бугун ушбу мусобақада дам олиш куни деб эълон қилинган. Шу муносабат билан барча жамоалар бугун бўлиб ўтадиган Россия премьер лигасининг “Локомотив” (Москва) – “Анжи” (Махачқалъа) ўртасидаги ўйинни бевосита стадиондан кузатиш учун таклиф этилганлар. Қувонарли ҳолатлардан бири бу учрашувни очиб бериш учун бизнинг ёш футболчиларимиз танлаб олинган. Тарбияланувчиларимиз “Локомотив” - “Анжи”  футболчилари билан биргаликда майдонга тушиб келадилар ва ушбу учрашувни очиб берадилар. Учрашув Тошкент вақти билан 20:30да "Наш Футбол" канали орқали трансляция қилинади.

Бундан ташқари ўйин олдидан болажонлар учун хар ҳил кўнгилочар дастурларни ўтказиш кўзда тутилган.