"Локомотив" собиқ бош мураббийи Вазген Манасян вафот этди

Вазген Манасян 1980-1992 йиллар мобайнида Душанбенинг "Помир" жамоасида тўп тепган. Бу вақт оралиғида клуб сафида 425 та ўйинда майдонга тушиб, 123 та гол урган. 1986 йилда СССР биринчи лигасида 27 та гол урган ва "Комсомолец Таджикистана" газетасининг "Ўқ отаётган бутсалар" совринига эга чиққан.

1992 йилда Тожикистон терма жамоаси таркибида ўйин ўтказган. 

2011, 2013, 2018-2019 йилларда Тошкентнинг "Локомотив" жамоасида мураббий сифатида ишлаган. 2011 йилги мавсумда "Локомотив" билан биринчи лига чемпиони бўлган ва жамоани Олий лигага чиқишида муносиб ҳисса қўшган. 

2013-2015 йилларда Тожикистон терма жамоаси бош мураббийи ёрдамчиси сифатида ишлаган. 

Маълум вақт Яйпаннинг "Турон" жамоасида ҳам фаолият олиб борган. 

Сайтимиз таҳририяти Вазген Игнатовичнинг вафоти муносабати билан марҳумнинг яқинларига ўз таъзиясини билдиради.