"Локомотив" Қозоғистон миллий терма жамоаси билан дуранг ўйнади
14 фев 22:33
Новости

"Локомотив" Қозоғистон миллий терма жамоаси билан дуранг ўйнади

Теги : Локомотив Қозоғистон миллий терма жамоаси

Туркияда янги мавсумга тайёргарлик олиб бораётган "Локомотив" Али Алиев қўл остидаги Қозоғистон миллий терма жамоаси билан ўртоқлик ўйинини ўтказди.

Унда томонлар 1:1 ҳисобида дуранг қайд этди. Учрашувда жамоамиз таркибидан голни 86-дақиқада Акаки Шулая томонидан киритилди.

Қайд этиш керак, учрашувнинг биринчи бўлимида Раҳимжон Давронов пенальти қайтаришга муваффақ бўлди.

Маълумот учун, бу Қозоғистон терма жамоасининг Али Алиев қўл остидаги илк ўйинига айланди.

Қозоғистон м.т.ж. - "Локомотив" 1:1
Голлар: Айбар Жаксиликов (67) - Акаки Шулая (86-п).
"Локомотив": Раҳимжон Давронов, Даврон Ҳошимов, Момчило Рашо, Анзур Исмоилов, Владимир Козак, Озод Ўктамов, Бобур Асқаров, Леван Арвеладзе, Никола Попович, Шодиёр Шодибоев, Жасур Ҳакимов.
Захирадан тушганлар: Абдуллоҳ Йўлдошев, Акаки Шулая, Қувончбек Абраев, Муҳриддин Зоиров, Фаррухбек Мухторов.