"Локомотив" ўртоқлик учрашувида Москва клуби билан дуранг ўйнади
04 фев 2019 21:44
Новости

"Локомотив" ўртоқлик учрашувида Москва клуби билан дуранг ўйнади

Теги : Ўртоқлик учрашуви "Локомотив"Динамо Москва

Туркиянинг Белек шаҳарчасида янги мавсумга тайёргарлик олиб бораётган "Локомотив" бугун илк ўртоқлик учрашувини ўтказди.

Москванинг "Динамо" клуби билан кечган беллашувда "темирйўлчилар" 1:1 ҳисобида дуранг қайд этишди. Учрашувда ҳисоб дастлаб "Динамо" футболчиси Евгений Марков томонидан очилди. 61-дақиқага келиб ҳисоб тенглашди ва бунда захирадан майдонга тушган Авазбек Ўлмасалиев рақиб дарвозасига тўп киритди.

Шундай қилиб "Локо"нинг Анталия йиғинидаги илк назорат баҳси дуранг натижа билан якун топди. Андрей Фёдоров шогирдлари навбатдаги ўртоқлик учрашувини 6 февраль куни Қозоғистоннинг "Астана" клубига қарши ўтказишади.

4 февраль. Ўртоқлик учрашуви

"Локомотив" - "Динамо" (Москва) 1:1

"Локомотив" таркиби: Жавоҳир Илёсов, Шуҳрат Муҳаммадиев, Игорь Йелич, Анзур Исмоилов, Олег Зотеев, Йован Жокич, Алишер Шоғуломов, Сардор Мирзаев, Жамшид Искандеров, Ҳусниддин Ғофуров, Темурхўжа Абдухолиқов.

Захирадан тушганлар: Маъмур Икромов, Арслонмурод Амонов, Азиз Ҳайдаров, Филипп Райевац, Авазбек Ўлмасалиев, Сергей Прохоров, Фаррух Иброҳимов, Бобур Эргашев.