"Локомотив": Навбатдаги рақибимиз «Ал-Аҳли»
26 фев 2014 07:05
Новости

"Локомотив": Навбатдаги рақибимиз «Ал-Аҳли»

Айни кунларда янги мавсумга тайёргарликни БААда олиб бораётган «Локомотив» жамоаси аъзолари жисмоний ва функционал ҳолатни яхшилаш баробарида турли тактик услублар устида ҳам жиддий изланишмоқда.

Хориж клубларига қарши ташкил этилаётган назорат-синов учрашувлари эса ана шу тактик услубларни синовдан ўтказишда қўл келаётир. Жумладан, эртага темирйўлчилар БАА про-лигасида ишонч билан пешқадамлик қилаётган Дубайнинг «Ал-Аҳли» жамоасига қарши майдонга тушади. Учрашув «Локомотив» клуби машғулотларни олиб бораётган Жебал-Али майдонида маҳаллий вақт билан соат 17:00да бошланади. Мазкур ўйин 7 март куни Ўзбекистон суперкубоги учун бўладиган учрашув олдидан «Локомотив» жамоасига ўзига хос тайёргарлик вазифасини ўтаб беради. Воқеалар ривожини сайтимиз орқали кузатиб боринг.

Ссылка :

Источник : lokomotiv.uz

Получайте новости прямо в Telegram!

Рейтинг: