"Локомотив": Журналистлар диққатига!
25 фев 2017 21:10
Новости

"Локомотив": Журналистлар диққатига!

Хабарингиз бор, 27 февраль куни Осиё чемпионлар лигаси 2-туридан ўрин олган "Локомотив" - "Ал Аҳли" (Дубай) учрашуви бўлиб ўтади. ТТЗдаги "Локомотив" стадионида кечадиган баҳс 16:00да бошланади.

Эртага, 26 февраль куни ўйинолди матбуот анжумани ташкил қилинади. Ушбу тадбир "Локомотив" стадионининг матбуот анжуманлари залида соат 12:00да бошланади.

"Локомотив" - "Ал Аҳли" учрашувини ёритиш истагида бўлган барча турдаги ОАВ ходимлари эртанги матбуот анжуманидан сўнг клуб матбуот хизматига учраган ҳолда ОЧЛ-2017 учун ўз аккредитация карточкаларини олишлари мумкин.

Бундан ташқари, эртага ўйин пайти медиа трибунада ўтириб ишлайдиган журналистлар учун медиа-чипта (Media Ticket) ҳам тақдим этилади. "Локомотив" стадиони мухлислар сиғими бўйича кичик ва ихчам бўлгани учун медиа трибунада журналистлар учун 40та жой ажратилган. Медиа чипта эса айнан медиа трибунадан ўйинни кузатиш ҳамда ўтириб бемалол ишлаш имконини беради.