"Локомотив" болалари "Turkish holidays" турнири финаличисига айланди

Таъкидлаш жоизки, Алишер Бозоров бошчилигидаги жамоа бу мусобақада жуда ишончи ўйинлар намойиш этиб, юқори натижаларни қайд этмоқда. Мусобақа финалига йўл олган болаларимиз шу вақтгача ҳали бирор марта гол ўтказиб юбормай, ўтказган барча учрашувларида фақат ғалаба қозониб келишяпти.



Улар дастлабки ўйинда Молдовиянинг "Буикани" жамоасини 7:0 ҳисобида мағлуб этишди. Кейинги учрашувда Абхазиянинг "Гагра"сини 2:0 ҳисоби билан енгган бўлса, учинчи учрашувда Туркиянинг "Тагспор" жамоасини йирик - 4:0 ҳисобида таслиқ қилди. Ярим йиналда Москванинг "Хамовники" жамоасини 1:0га енгган "темирйўлчилар" финалга йўл олди.



Финалда эса улар Мусобақа мезбонларидан бири "Бешиктош" футбол академияси болаларига қарши майдонга тушишади.

Ёш футболчиларимизга финал учрашувида ҳам омад ёр бўлишини тилаймиз!