"Локомотив" АГМК билан ўйинни оқ либосда ўтказади
30 мар 2018 14:39
Новости

"Локомотив" АГМК билан ўйинни оқ либосда ўтказади

Эртага, 31 март куни Тошкентнинг "Локомотив" жамоаси навбатдаги учрашувини ўтказади.

Бу сафар жамоамизга Суперлига 4-тури доирасида Олмалиқнинг АГМК жамоаси рақиблик қилади. Бугун мазкур ўйин олдидан ҳар икки жамоа расмийлари иштирокида йиғилиш бўлиб ўтди. Унда ўйиннинг ташкилий масалалари муҳокама қилинди. Шунингдек, эртанги баҳсни жамоалар қандай либосда ўтказишларига ҳам ойдинлик киритилди.

Унга кўра, "Локомотив" АГМК билан ўйинда майдонга оқ рангли либосда чиқади. Форманинг пастки қисми эса яшил рангда, дарвозабонимиз эгнида бўлса қора рангдаги либос бўлади. Мезбонлар сариқ формада ўйнашади.

Таъкидлаб ўтамиз, АГМК - "Локомотив" учрашуви эртага Олмалиқдаги "ОКМК" стадионида бўлиб ўтади. Ўйиннинг бошланиш вақти - 18:00.