"Ливерпул"нинг навбатдаги трансфер мақсади маълум

"Саутгемптон" ярим ҳимоячиси Ромео Лавия "Ливерпул"нинг сўнгги трансфер мақсади. Бу ҳақда журналист Бен Жейкобс хабар берди.

"Саутгемптон" футболчини 58 млн еврога баҳоламоқда. Мерсисайдликлар футболчининг трансфер нархини пасайтира олишларига ишонишмоқда.

"Арсенал" ва "Челси" ҳам Лавия билан шартнома имзолашдан манфаатдор, аммо "қизиллар" яхшироқ ҳолатда. "Канонирлар" бельгиялик учун курашга фақат ярим ҳимоячиларини сотган тақдирдагина киришади, "кўклар" эса "Брайтон"дан Мойзес Кайседони сотиб олишга эътибор қаратган.

Лавия "Ливерпул"нинг учинчи янги футболчиси бўлиши мумкин. Аввалроқ мерсисайдликлар ярим ҳимоячилар Алексис Мак Аллистер ва Доминик Собослаи билан шартнома имзолаганди.

19 ёшли ярим ҳимоячи ўтган мавсумда барча турнирларда 34 та ўйин ўтказиб, 1 та гол ва 1 та голли узатмага муаллифлик қилган.