"Ливерпуль" чемпионлик пойгасини давом эттиради

АПЛ, 33-тур.

"Вест Хэм" - "Ливерпуль" 1:2
Голлар: Жерард (44-пенальтидан, 72), Демель (45)
  "Вест Хэм": Адриан, Демель, Рид, Томкинс, Армеро, Нобл, Тэйлор (Джарвис, 78), Диаме (К. Коул, 84), Нолан (Ночерино, 68), Даунинг, Кэрролл.

"Ливерпуль": Миньоле, Джонсон, Шкртел, М. Сако, Фланаган, Хендерсон, Жеррард, Коутиньо (Лукас, 46), Старриж (Туре, 85), Суарес, Стерлинг.

Огоҳлантиришлар: Томкинс (43), Адриан (70), Ночерино (80), Армеро (86).

                                  МАТНЛИ ТРАНСЛЯЦИЯ
                                             ЯНГИЛАШ
 

Ушбу ўйин шарҳида Шаҳбоз Беғамов бўлди. Эътибор учун раҳмат! Сайтимиздан узоқлашманг! Футболни эса севишда давом этинг!

"Ливерпуль" жамоаси мухлисларини ғалаба билан табриклаймиз! Келаси ўйинларда учрашгунча соғ-саломат бўлинг, Азиз ишқибозлар!

90+4` Ҳакамнинг учрашув якунланганлиги ҳақидаги хуштаги янгради ва "Ливерпуль"  муҳим ғалабага эришди!

90+3` Адриандан яна бир сейв! Ушбу посбонга тассано дейиш керак. Бугун Адриан жамоасини кўплаб голлардан қутқариб қолгани аниқ.

90+2` "Ливерпуль" ҳимояланмоқда.

90+1` Учрашувга ҳакам томонидан 4 дақиқа вақт қўшиб берилди.

90` "Вест Хэм" имкон қадар ҳужумлар уюштирмоқда. Ҳисобни тенглаштириш учун ҳозирча бу ҳаракатларнинг ўзи камлик қилмоқда.

89` Бугунги ўтказиб юборилган голларда Адрианнинг айби йўқ десак бўлади. Тўғри, иккинчи пенальти у сабабли юзага келди. Лекин ҳимоячиларнинг камчилигини тўлдириш мақсадида, Адриан таваккал қилишга мажбур бўлганди.

88` Суарезда яна имконият ва Адриан дарвозага нега турганини исботламоқда.

86` Ўзгаришлар вақти: Диаме ўрнига Коул. "Ливерпуль"да ҳам захира кучи туширилди. Старриж ўрнига Коло Туре.

85` Бугун ўзининг яхши ўйинини кўрсата олмаётган Суарездан ажойиб, нозикона зарбача. Чиройли зарбача. Дарвоза тусини мезбонларни голдан асраб қолди. Суарез жуда зўр ўйнамаяпти. Лекин оддий ва нозик ҳаракатларини ўзи ҳам "Вест Хэм" ҳимоячиларини довдиратиб қўймоқда. Қойил!

84` "Вест Хэм" ҳужум ташқил қилди. Аниқроғи, жарима зарбасини тепди. Биринчи гол муаллифи Демель яна гол урмоқчи бўлди, аммо унга бироз совуққонлик етишмади. 

82` Старрижнинг кучли зарбаси Адриан учун оддий вазиятдек қабул қилинди.

Рожерс ўйиндан мамнунми йўқми билмадим-у, лекин натижадан хурсанд бўлиши аниқ. Агарда ўйин сўнггигача ушбу ғалаба сақланиб қолса


80` Ночерино қўпол ҳаракати учун огоҳлантирилди.

78` Тэйлор ўрнига Жевис майдонга чиқарилди. "Вест Хэм" ўйинга бурилиш ясаш мақсадида ҳужумкорроқ футболчини майдонга ташламоқда.

77` "Болейн Граунд" стадионига бугун 34977 мухлис ташриф буюрган экан.

76` Старриждан ажойиб ҳаракатлар ва Суарез томон чиройли пас. Луис Суарез эса зарба беришда оқсади.

75` Суарез учинчи пенальтини сўрамоқда. Кечирасиз мистер Суарез, етади иккитаси. Бу вазиятга пенальти қўйилмайди.

73` Буёғига "Вест Хэм" ақлли футболини эмас, балки ҳужумкорлигини ошириши талаб этилади.

72` Адриан тўп йўналишини топди. Лекин зарба муаллифи Жерард эди-да! Унинг зарбасини кучини "барча" билади.

71` ГОООООООООООООООООЛ! Жерард! 1:2!

70` Адриан бу ерда ноҳақ эди.

69` Пенальти! Яна пенальти! Яна "Вест Хэм" дарвозаси томон! Ана томоша!

68` Ночерино Ноланнинг ўрнига майдонга тушди.

68` Стерлинг ўйинда йўқолиб қолаётгандек. Аввалги фаоллиги етишмаяпти ушбу иқтидор соҳибига.

66` Суарез ҳаракат қилмоқда. Интилмоқда. Лекин унга кўмаклашадиган яна бир футболчи етишмаяпти. Старриж дарвоза олдида "пойловчилик" қилмоқда. Суарез эса ҳужумчи ортида ҳам жамоаси ҳужумини ривожлантириш пайига тушган.

62` Имкониятнинг зўри Кэрролда бўлди! Энди Кэрролнинг боши билан йўллаган зарбаси дарвоза тусинига тегди. Бу вазиятда Миньоле ожиз эди. Кэрролда гол уриш истаги "Ливерпуль"никиданда кучлироқ кўринмоқда.

61` Брендан Рожерс жамоасини бироз бошқачароқ ўйнатиши керак. Кучли иштиёқ уйғотиши керак.  Бў ўйин билан "Вест Хэм" ҳимоя қўрғонини ёриб ўтиш осон иш эмас.

57` Энди Кэррол якка курашларда собиқ жамоадошларини аямаяпти ва кўпинча ғолиб чиқмоқда.

55` "Вест Хэм" дарвозабони Адриан Нойерни ўйинини қўп кўради шекилли. Ҳозир ушбу посбон "Бавария" кипери ҳаракатларидан намуна кўрсатди ва тўпни жарима майдончаси олдидан узоқлаштиришга эришди.

54` "Вест Хэм" бугун жуда зич ўйнамоқда ва меҳмонларга ортиқча имкониятлар содир этишига йўл қўймаяпти.

51` Биз шижоаткор "Ливерпуль"ни кўрмаяпмиз. 

49` "Ливерпуль"нинг ҳужумдаги "Сураез-Стерлинг-Старриж" учбурчаги "Вест Хэм" ҳимоясига етарлича ташвиш тўғдира оладими? Буни қолган вақт ичида кўрамиз.

47` Умид қиламизки, жамоалар иккинчи таймда жонлироқ футбол намойиш этишади.

46` "Ливерпуль" таркибида ўзгариш руй берди. Лукас иккинчи бўлимда Коутиньонинг ўрнига ўйнайди.

46` Иккинчи бўлим бошланди!

Биринчи бўлим тугади. Танаффус!

Такрорий лавҳада кўриндики, Энди Кэррол Миньолега нисбатан қоидани бузган эди. Лекин буни ҳакам пайқамай қолди.

45` ГООООООООООЛ!  Демель! 1:1 Бурчак тўпидан сўнг Минолье хатога йўл қўйди ва дарвозабониннг қўлидан тушган тўпни Демель дарвозага жойлаб қўйди.

45` "Вест Хэм" ҳимоячиси Томкинснинг хатоси жамоасига қимматга тушди.

44` ГООООООООООООООЛ! Жерард мўлжалда адашмади! 0:1!

44` Пенальти! "Вест Хэм" ҳимоячиси тўпни қўли билан ўйнагани учун мезбонлар дарвозаси томон 11-метрлик жарима зарбаси.

43` "Вест Хэм" яхши ўйнамоқда. "Ливерпуль" эса ҳозирча ўзидан кутилган ўйинни намойиш этиб бера олмаяпти.

40` "Вест Хэм" ҳужум ташкил қилди. "Ливерпуль" ҳимоячиларининг жонбозлиги туфайли хавф бартараф этилди.

38` "Ливерпуль"ни ҳисобни очиши учун яхши имкониятга эга бўлганди. Аммо Старриж зарба беришда хатога йўл қўйди.

35` "Вест Хэм" футболчилари ўз ҳужумларида кўпроқ иккинчи қават орқали Кэрролни қидиришмоқда. Энди Кэррол бош билан яхши ҳаракат қилиши сир эмас. Аммо ҳозирча "Ливерпуль" ҳимоячилари Эндига имкон беришмаяпти.

33` Ноблнинг жаримадан йўллаган зарбаси ўхшамади.

32` "Вест Хэм" жарима зарбаси тепиш ҳуқуқини қўлга киритди.

31` "Ливерпуль"нинг комбинатцион ҳужуми Старрижнинг зарбаси билан якунланди.

29` "Вест Хэм" фаолликни оширди.

27` Томкинснинг жонбозлиги эвазига Суарезнинг зарбаси дарвоза томон бормади.

24` Диаме "Ливерпуль" дарвозасини нишонга олмоқчи бўлди. Аммо зарбага аниқлик етишмади.

22` Стерлингнинг зарбасини Адриан бартараф этди. 

20` Супер-Суарезнинг ажойиб зарбаси дарвоза устунига тегмоқда. Хавфли вазият!

19` "Ливерпуль" нисбатан кўпроқ олдинга бормоқда. 

16` Жамоалар шошилишмаяпти. Секин-аста олдинга интилишмоқда ва пайт пойлаб рақибнинг хатосини кутишмоқда. Ҳозирча ҳимоячилар ишончли ҳимояланишмоқда.

12` Сайтимизнинг "феномен" никли "Ливерпуль" мухлиси ўз севимли жамоасини қўллаб-қувватламоқдалар.

11` Футболчилар кескинлик билан ҳаракат қилишмоқда. Бугун уч очко учун яхшигина кураш кечиши аниқ. "Ливерпуль" жамоасига ютуқ жуда муҳим. Брендан Рожерс жамоаси чемпионлик пойгасида иштирок этмоқда ва уларни хато қилишга ҳақлари йўқ.

9` Хавфли кўриниш олган бурчак тўпи "Вест Хэм" учун яхши якун топди.

8` Стерлинг жамоаси учун бурчак тўпи ишлаб олди.

6` Мезбонлар ҳужум ташкил этишмоқда. Кэррол бугун собиқ жамоасини жазолашга уриниб кўради.

4` "Ливерпуль" жарима зарбасини тепди. Луис Суарезнинг йўллаган зарбаси бироз ноаниқ чиқди.

3` "Вест Хэм" ўйинни фаоллик билан бошлади. Бу стадионда ким хўжайин эканлигини кўрсатиб қўйишмоқчи шекилли.

1` Учрашув бошланди!

"Ливерпуль"нинг асосий қуроли бу албатта Луис Суарез. Уругвайлик ҳужумчи ҳозиргача АПЛда 27 учрашув ўтказган ва рақиблари дарвозасига 29 бора йўл топа олган. Шунингдек, Суарез яна жамоасининг 11 голига ҳаммуаллифлик қилган. Ушбу мавсумда Суарез рақиблар дарвозаси томон жами бўлиб 129 марта зарба берган. Шуларнинг 70 таси дарвозага аниқ борган. 

АПЛ тўпурари Луис Суарез ўйин олди чигал-ёзди машғулотида

"Ливерпуль" таркиби

"Вест Хэм" жамоаси таркиби шундай кўриниш олган


Ассалому алейкум қадрли футбол мухлислари! АПЛ 33-туридан ўрин олган "Вест Хэм" - "Ливерпуль" ўртасидаги баҳс бошланиш арафасида. Ушбу ўйинни сайтимиз орқали матнли онлайн тарзида шарҳлаб борамиз. Хизматингизда Шаҳбоз Беғамов бўлади.

- Учрашув соат 20:00да бошланади.