RU

Последние новости

20:05Савиньо қишда "Манчестер Сити"ни тарк этиши мумкин  0 19:22Рэшфорд "Барселона"ни тарк этиб, ПСЖга ўтиши мумкин   3 19:02АПЛ. "Манчестер Юнайтед" Лондонда иродали ғалабага эришди  13 18:53Александр Хомяков: "Бундай ўйинларда битта гол кўп нарсани ҳал қилади"  4 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  0 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  5 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  7 18:07"Андижон" мураббийи Элёр Раҳматуллаев: "Охирги кунларда қийин вазиятдан чиқишимизга Самвел Бабаян ёрдам берди"  13 18:06"Пиза" — "Интер". Таркиблар маълум  1 18:00Ҳаким Фузайлов: "Плей-оффга кўтаринки кайфиятда бориш учун ҳам бугун ғалаба керак эди"  3 17:53Миржалол Қосимов: "Мавсумни ғалаба билан тугатиш яхши"  0 17:53"Вест Хэм" — "Ливерпуль". Таркиблар маълум  6 17:45Отабек Нарзуллаев: "Уй ўйинларимизни Муборакда ўтказганимизда кўпроқ очко олардик"  1

"Ливерпуль" академиясидан чиқиб, асосий таркибда дебютини ўтказганлар. Ҳозир улар қаерда? Новости

"Ливерпуль" академиясидан чиқиб, асосий таркибда дебютини ўтказганлар. Ҳозир улар қаерда?

“Ливерпуль” академия битирувчиларига асосий жамоада ўйнаш имкониятини бериши орқали бошқалардан ажралиб туради.

Бироқ тезда порлаб чиқиб, асосий таркибда дебютини ўтказган ва кейинчалик бутунлай йўқолиб кетган футболчилар талай топилади. Қуйида мана шундай ўйинчилар борасида сўз юритамиз. 

Адам Морган

Қаҳрамонимиз “Ливерпул”да навбатдаги Робби Фаулер бўлиши кутилган, аммо у "қизиллар" либосида атиги 3 та учрашувда майдонга тушган. 

"Брендан менинг қобилиятимга шубҳа қилмаслигини айтди, лекин у жисмонан тайёр эмаслигимни маълум қилди. “Ливерпуль”даги вақтим тугаётганини эшитиб, жуда хафа бўлгандим", – деб эслайди Морган. 

У "қизиллар"ни тарк этганидан сўнг салкам 15 та жамоада ўйнаб чиқди. Диққат қилинг, Морган 27 ёшда. Лекин қуйи лиганинг барча жамоаларида ўйнаб чиқмоқда. Ҳозир у "Харингей Боро"да фаолиятини давом эттирмоқда. Бу жамоа минтақалар чемпионатида иштирок этади. 

Андре Уиздом

Андре "Ливерпул"даги биринчи ўйинини 2012 йилда Европа Лигаси доирасида "Янг Бойз"га қарши ўйинда (5:3) ўтказган ва гол ҳам урган эди. Бу футболчи "қизиллар"нинг асосий фигураси бўлиши тахмин қилинганди. 

У клубда ўйнаб кета олмади. Натижада, раҳбарият уни ижарага бериб юборди. Қаҳрамонимиз "Дерби Каунти", "Вест Бромвич", "Норвич Сити" ва "Зальцбург"да ўйнаб чиқди. 2017 йилда "Дерби" уни тўлиқ ўз сафига қўшиб олди. Ўтган мавсумда эса "қўчқорлар"дан кетди. Ҳозирда жамоасиз.

Жером Синклер

Синклер 2012 йилда 16 ёшу 6 кунлигида "Вест Бромвич"га қарши Лига Кубоги баҳсида захирадан майдонга тушиб, бу борада "Ливерпул"нинг энг ёш футболчисига айланган. Шундан сўнг у айтарли майдонга тушгани йўқ. 2016 йилда эса "Уотфорд"га қўшилди. Жером "Викариж Роуд"да ҳам ўзини намоён эта олмади ва “Сандерленд”, “Бирмингем”да ижарада тўп тепди. Кейинчалик Нидерландия ва Болгарияда ҳам қисқа вақт мобайнида бахтини излаб кўрди. Ҳозирда 25 ёшли ҳужумчи жамоасиз қолган. 

Брэд Смит

2013 йилда "Ливерпуль" сафида "Челси"га қарши баҳсда дебютини ўтказган. 2015/16 йилда асосий жамоа таркибида яна 10 та ўйинда майдонга тушган.

Юрген Клопп келганидан сўнг у жамоага ортиқчалик қилади ҳамда 3 млн фунт эвазига "Борнмут"га сотиб юборилади. Аммо "гилосчилар" либосида ҳам бир текис ўйнаб кета олмайди. 27 ёшли футболчи ҳозирги пайтда АҚШнинг "Ди Си Юнайтед" клуби шарафини ҳимоя қилмоқда. 

Кэмерон Брэннаган

"Ливерпуль" академиясидан етишиб чиққан Брэннаган Рожерс даврида асосий таркибда дебютини ўтказиб, Клопп келгач "қизиллар"ни тарк этади. Унинг дебюти 2014 йилнинг 5 январь куни Англия Кубоги доирасида "Олдхэм"га қарши кечади. Бироқ асосий таркибга муносиб эмас деб топилган қаҳрамонимиз 2018 йилда январь ойида "Оксфорд Юнайтед"га кўчиб ўтади. Ҳозир ҳам айнан шу ерда ўйнаб келмоқда. Хавбек 2017 йилда ижара асосида "Флитвуд Таун"да ўйнайди.

Жордан Росситер

Росситер "Ливерпуль" либосидаги дебютини 2014 йилда "Мидлсбро"га қарши ўйинда нишонлади.  Аҳамиятлиси, у мерсисайдликлар сафида гол урган энг ёш иккинчи футболчига айланади. Аммо кейинчалик ишлари юришмайди. Натижада, 2016 йилда "Рейнжерс"га бориб қўшилади. Шотландияликлар таркибида ҳам кутилганидек ўйнаб кета олмайди. 

Унинг Шотландиядаги фаолияти жароҳатлар туфайли қийинлашади. 25 ёшли футболчи ҳозирда "Флитвуд Таун" сафида тўп тепмоқда. 

Педро Чиривелья

Чиривелья "Ливерпул"даги етти йиллик фаолияти давомида бор-йўғи 11 марта майдонга тушади.  

Ярим ҳимоячи 2020 йилнинг июнь ойида "Ливерпуль" билан шартномаси тугагач, Франциянинг "Нант" клубига ўтган. Шу вақтда  у Юрген Клопп борасида қуйидагиларни айтиб ўтади. 

"Менда фақат миннатдорчилик сўзлари бор. У менга жуда яхши муносабатда бўлди ва мен унга фақат раҳмат айтишим мумкин.

Фарзандларим ва невараларимга футбол тарихидаги энг яхши мураббийлардан бири томонидан тарбияланганимни айтаман", – деган у.

Самандарбек тайёрлади

Рейтинг: +5   

Комментарии

championat.asia
< посмотреть последние новости
Яндекс.Метрика