"Ливерпуль" афсонасининг ўғиллари "Сити"да дебют қилди
25 сен 2025 12:49
Новости

"Ливерпуль" афсонасининг ўғиллари "Сити"да дебют қилди

Ўтмишдаги машҳур ҳужумчи Эмил Хескининг икки ўғли – Жейден ва Рейган "Манчестер Сити" сафида дебютини нишонлади.

Бу 24 сентябрь, чоршанба куни Лига Кубоги доирасидаги "Хаддерсфилд Таун"га қарши ўйинда (2:0) юз берди.

19 ёшли ярим ҳимоячи Жейден 2:0 пайтида – 76-дақиқада Нико О'Райли ўрнига майдонга тушди. 17 ёшли вингер Рейган Хески 83-дақиқада ўйиндаги иккинчи гол муаллифи Савиньо ўрнига туширилди.

Қизиғи, Эмил Хески ҳеч қачон "Манчестер Сити"да ўйнамаган. У 2000-2004 йилларда "Ливерпул"да шуҳрат қозонган. Шунингдек, "Лестер", "Бирмингем", "Уиган", "Астон Вилла", "Ньюкасл Жетс" ва "Болтон Уондерерс" каби жамоаларда тўп тепган. 1999 йилдан 2010 йилгача Англия терма жамоаси сафида 62 ўйин ўтказиб, 7 та гол урган.

Эслатиб ўтамиз, "Манчестер Сити" Лига Кубоги 4-босқичида "Суонси" майдонига сафар уюштиради.

Ссылка :

Источник : BBC

Получайте новости прямо в Telegram!

Рейтинг: +13