Лига 1. Франция вице-чемпиони ўзидан тўрт поғона юқоридаги клубни қабул қилади

Ўтган мавсум 80 очко тўплаб, Франция вице-чемпионига айланган "Монако"нинг ишлари яхши эмас. Жамоа жорий мавсумдаги 6та учрашувнинг 2тасида мағлубиятга учради, 3та ўйин дуранг билан якун топди. Бор-йўғи 6 очко тўплаган монегасклар бугун "Stade Louis II" стадионида ўзидан тўрт поғона юқоридаги (12-ўрин) "Анже"ни қабул қилади.

7-турда Патрик Виера қўл остидаги "Ницца" "Нант" меҳмонига айланади. Ўтган мавсумни қўшни сифатида якунлаган бу клублар ("Ницца" 8-ўрин, "Нант" 9) жорий мавсум ҳам бир-биридан узоқда эмас. Олдинроқ, Ницца шаҳри жамоаси етакчиси Марио Балотелли ортиқча вазндан қутилиб, машғулотларга қайтгани эълон қилинган эди. Ушбу баҳсда италиялик форварди майдонда кўришимиз эҳтимолдан ҳоли эмас.

Бугунги куннинг сўнгги учрашуви "Тулуза" ва "Сент-Этьен" ўртасида бўлиб ўтади. Ҳозирча Ален Касанова клуби ("Тулуза") уй учрашувларида мағлуб бўлмаган (3та ўйинда 7 очко), "Сент-Этьен" эса меҳмонда ўйнашни ёмон кўради. Чунки жорий мавсум улар меҳмонда қўлга киритилган очколар бўйича энг ёмон натижа қайд этганлардан (3та баҳсда 2 очко) бири.

Франция чемпионати, 7-тур

22:00. "Монако" - "Анже" (Матч! Футбол 1)

22:00. "Нант" - "Ницца"

00:00. "Тулуза" - "Сент-Этьен" (Матч! Футбол 1)