"Лестер"га қарши баҳс олдидан Сульшер иштирокидаги матбуот анжумани (тўлиқ)
13 сен 2019 18:36
Новости
![](https://championat.asia/upload/storage/518035_original.jpg)
![](/upload/storage/518035_220.jpg)
"Лестер"га қарши баҳс олдидан Сульшер иштирокидаги матбуот анжумани (тўлиқ)
Бугун ана шу учрашув олдидан "Қизил иблислар" бош мураббийи Оле-Гуннар Сульшер иштирокида матбуот анжумани бўлиб ўтди.
Манчестер Юнайтед Маркус Рэшфорд - 8' |
Премьер-лига . Тур 5 14/09/2019, 19:00 0
:
1
Завершен
|
Лестер |
Стадион: Old Trafford, 73689 зрителей
Главный судья: Мартин Аткинсон
Жароҳатланганлар ҳақида
Жароҳатланганлардан кимдир эртага майдонга тушишига ваъда бера олмайман. Лекин, биз улардан ҳеч бўлмаса бир ёки икки нафари захирада бўлишига ҳаракат қиламиз. Кўрамиз, ўйингача нима бўларкин. Балки улар кейинги дам олиш кунигача сафга қайтишар.
Лазаретимиз ҳамон тўла. Эҳтимол Аарон (Ван Биссака) ёки Жесси тайёр бўлар. Лекин, бунга кафолат бера олмайман.
"Лестер" ҳақида
"Лестер" - ҳамиша оғир ўйин. Бу топ-4га киришни хоҳлайдиган жамоа. Уларда яхши ўйинчилар, ажойиб мураббий бор. Брэндан (Роджерс)нинг жамоалари ҳар доим томошабоп футбол намойиш этади. Биз 3 очко ишлаш учун яхши ўйнашимиз зарур.
Бизда майдонга тушиши мумкин бўлган тажрибали ўйинчилар бор. Хуан, Неманья, Эш - уларнинг барчаси дастлабки турларда унча кўп ўйнашмади. Лекин, эртага бизнинг бошланғич таркибимиз ўртача ёши кўтарилади.
Де Хеанинг шартномаси ҳақида
Мен Давиднинг қолишини хоҳлайман ва унинг ўзи ҳам буни билади. Давид - дунёнинг энг зўр дарвозабони. Буни кўп йиллардан бери кўриб келмоқдамиз. Умид қиламан, у фаолиятини энг юқори даражада "Манчестер Юнайтед"да тугатади. Клуб ва Давид ўртасида кўплаб музокаралар бўлди. Якунда у билан янги шартнома имзолай оламиз деб умид қиламан.
Погба ўйиндан ташқарида
Погба тўлиқ тайёр бўлмайди. У кутилмаганда тўлиқ соғайиб кетади ва эртага 100 фоизга тайёр бўла олади деб ўйлайсизми? Йўқ, бундай бўлмайди.
Магуайр қай даражада мослашиб олди?
Ўйлашимча, у қойилмақом бўлди. У жамоага келди ва ўзини майдонда ҳам, кийиниш хонасида ҳам етакчи сифатида кўрсата олди. Аминманки, у собиқ жамоаси билан тўқнашувни сабрсизлик билан кутмоқда. У келажакда жамоада катта ролни бажаради. У айнан бизга зарур футболчи эканлигига амин бўлиш учун узоқ вақт уни кузатиб бордик. Шу сабаб унга пул сарфладик. "Лестер" эса уни йўқотишни истамаган эди.
Етакчилар камлигини инобатга олганда Магуайр келажакда сардор бўлиши мумкинми?
Унда ўзгача характер бор, бу орқали у катта клубнинг сардори бўлиши мумкин. Кийиниш хонасида у етакчи. Унинг ўзини тутиши, характери - кузатишни хоҳлайдиган жиҳат. Кимдир ўйин бўйича етакчи, кимдир суносабатларда. Унда эса ҳар иккиси қоришиб кетган.
Марсьяль ҳақида
Умид қиламиз, у кейинги ҳафта "Вест Хэм"га қарши ўйинга тайёр бўлади. Поль ва Антони бир босқичда ва уларнинг ҳар иккиси кейинги ўйинга тайёр бўлади деб ўйлайман. Лекин, бундан ортиқ ҳеч нарса айта олмайман.
Жеймс ҳақида
Уни ўрганаётганимизда Гиггз билан гаплашдим ва у "Олд Траффорд"даги биринчи ўйинидаёқ гол урганидан ажабланмадим. У ишончга эришди, у қойилмақом ўйнади. Унда портловчи тезлик бор. У ҳар икки оёғи билан зарбалар беришни машқ қилмоқда ва янада кўпроқ голлар уради.
Скоулзнинг сўзларига кўра, "Юнайтед" яқин бир неча йилларда чемпионатни ютмайди
Пол "Манчестер Юнайтед" футболчиси бўлиш нима эканлигини яхши билади. "Ливерпуль" ва "Сити"нинг биз билан ўтган мавсумдаги фарқидан келиб чиқилса, уларга тез орада чақирув ташлай олишимиз қийин. Лекин, ишлар тўғри йўлга қўйилганини у кўриб турибди. Тўғри йўлни топа олишимизга ишонаман.
Похожие новости
![AMP Logo](https://championat.asia/image/logo-amp.png)
Комментарии