Лазизбек Мирзаев: "Менга Роналдунинг ўйини ёқади. Жарима зарбаларини эса тез-тез машқ қиламан"
22 ноя 2023 19:10
Новости

Лазизбек Мирзаев: "Менга Роналдунинг ўйини ёқади. Жарима зарбаларини эса тез-тез машқ қиламан"

Ўзбекистон ўсмирлар терма жамоаси сардори Лазизбек Мирзаев U-17 жаҳон чемпионати 1/8 финалидан ўрин олган Англияга қарши учрашув (2:1) таассуротлари билан ўртоқлашди.

"Жамоамизнинг ғалабасига ҳисса қўшганимда жуда хурсандман. Жарима зарбалари борасида махсус машғулотлар ўтказдик. Ёрдамчи мураббийимиз бизга бу борада ёрдам берди, шу боис бугунги учрашувда гол уришга муваффақ бўлдим.

Менга Криштиану Роналдунинг ўйин услуби ёқади. Одатда, жарима зарбаларини тез-тез машқ қилиб тураман", деди ўзбекистонлик ярим ҳимоячи.

Эслатиб ўтамиз, Жамолиддин Раҳматуллаев шогирдлари чорак финалда Франция — Сенегал беллашуви ғолибига қарши майдонга тушади.