Лазизбек Мирзаев "Леганес"га ўтадими?

"Леганес" ярим ҳимоячига жиддий қизиқиш билдирган ва у билан танишиш учун Испанияга таклиф қилганди. "Football Group" агентлигига тегишли бўлган Мирзаев ўз агенти билан Мадридга борди, "Леганес" клуби билан яқиндан танишди ва турли тестлардан ўтди.

Нарзулла Сайдуллаевнинг маълумотига кўра, Клубга Мирзаевнинг ҳаракатлари маъқул келган ва трансфер амалга ошиши деярли аниқ. Фақатгина "Леганес" футболчининг 18 ёшга тўлишини кутишга мажбур. Лазизбек октябрь ойида 18га тўлади. Испания клуби 2025 йил январь ойида трансфер ойнаси очилганида ўзбекистонлик футболчини ўз таркибига қўшиб олиши кутилмоқда.