Лапорта "Барселона" шунча пулни қаердан олаётганига жавоб берди

"Барселона" клуби президенти Жоан Лапорта клубнинг трансферлар ойнасидаги ғайритабиий фаоллиги борасидаги танқидларга жавоб қайтарди. 

"Мен уларга шубҳаланиш имкониятини яратаман. Танқидчилар биз ҳеч нарса қила олмаймиз деб ўйлашганди. Аммо улар "Барса"нинг қудратини ва янги раҳбариятнинг режаларини билишмасди. Бу гаплар шунчаки бизнинг клуб ҳақида етарли маълумотга эга эмасликдан келиб чиқмоқда. "Барселона"да 120 йиллик тарих ва қимматли активлар бор. Биздаги активлар бошқа клубларникидан кўпроқ. 25 йиллик телевизион ҳуқуқлар учун биз 667.5 млн евро олдик. Мени тушунгандирсиз? Шу билан бирга, биз яхши иш олиб бормоқдамиз. 

Футбол кутиб турмайди. Бизнинг мухлислар юқори сифатга ўрганиб қолишган. Уларнинг талаблари бошқа клубларникидан юқори. "Барселона"да биздан кўпроқ нарса талаб қиладиган 400 млн мухлис бор. 

Ҳар ким ўзи нима қилиши кераклигини яхши билади. Мен бошқаларнинг ишига аралашмаяпман. Улардан ҳам шуни сўраган бўлардим. Майдонда ва майдон ташқарисида куришиб, якунда ким кўпроқ ва яхшироқ ишлаганини билиб оламиз", -дейди Жоан Лапорта. 

Маълумот учун, "Барселона" ушбу ёзда трансферлар учун энг кўп пул сарфлаган клуб бўлиб турибди.