Куман: “Чемпионлик учун курашда орқага катта қадам ташладик”
06 дек 2020 08:39
Новости

Куман: “Чемпионлик учун курашда орқага катта қадам ташладик”

“Барселона” бош мураббийи Роналд Куман “Кадис”га (1:2) учралган мағлубит сабабларини изоҳлади.

“Ушбу мағлубиятни изоҳлаш қийин. Бунгача биз яхши ўйин ўтказгандик. Биринчи бўлимда ўйинимиз қовушмади. Иккинчисида эса “Барса” яхшироқ ўйнади. Аммо жамоа мутлақо кутилмаган хатолар эвазига мағлуб бўлди. Бунга ишониш қийин.

Аутдан тўп ташлаб берилганидан кейин гол ўтказиш барчасидан ошиб тушди. Эътиборсизлигимиз оқибатидаги хатолар голга олиб келди. Тўпсиз ўйнаганимизда бизга агрессивлик етишмаяпти. Менимча, айнан шу камчилигимиз туфайли гол ўтказаяпмиз.

Бу мағлубият – чемпионлик учун курашда орқага ташланган катта қадамдир. На илож кўникишга мажбурмиз. “Атлетико” сингари кучли жамоадан 12 очкога ортда қолиш бу катта фарқ.

Олдимизда кўплаб ўйинлар бор. Аммо сафарда беқарор ўйин кўрсатишда давом этаверсак, мен бошқа гап гапиришимни ҳожати йўқ”, дея таъкидлади Куман.

Ссылка :

Источник : championat.com

Получайте новости прямо в Telegram!

Рейтинг: +13