Куман – “Барселона”нинг охирги 18 йил ичидаги энг ёмон мураббийи
29 окт 2021 09:00
Новости

Куман – “Барселона”нинг охирги 18 йил ичидаги энг ёмон мураббийи

27 октябрдан 28 октябрга ўтар кечаси “Барселона” раҳбарияти жамоа бош мураббийи Рональд Куманни эгаллаб турган лавозимидан озод қилди.

Куман каталонияликлар бошқарувига 2020 йил келиб, 67 ўйинда шогирдларини майдонга бошлаб тушганди. “Кўканорранглилар” уларнинг 39тасида зафар қучди, 12 бор дуранг ўйнади ва 16 учрашувда муваффақиятсизликка учради. Шу тариқа, жамоанинг Куман қўл остидаги ютиш кўрсаткичи 58 фоизни ташкил қилди. Бу клубнинг сўнгги 18 йил ичидаги энг ёмон натижаси ҳисобланади.

Аввалги антирекордни 2003 йил Радомир Антич кўрсатган бўлиб, ўшанда “Барса” 24 ўйиннинг 12тасида (50 %) ғалабага эришганди.