Куман: "Барселона"да ўйнаётган футболчи пенальтида адашмаслиги керак"
23 янв 2021 00:15
Новости

Куман: "Барселона"да ўйнаётган футболчи пенальтида адашмаслиги керак"

"Барселона" бош мураббийи Роналд Куман Испания Кубоги доирасида "Корнелья"га қарши баҳсдан кейин урилмаган пенальтилар ҳақида гапирди.

Учрашувнинг асосий вақтида "кўк-анорранглилар" футболчилари икки марта пенальтилардан фойдалана олмади: "Корнелья" посбони Рамон Хуан биринчи бўлимда Миралем Пьянич, танаффусдан кейин эса Усмон Дембеленинг пенальтиларини қайтарди.

"Тушунмайман, таркибимизда пенальтидан гол ура оладиган футболчилар кўп бўлса, нима учун бу жиҳатда оқсаяпмиз. Балки, футболчилар қўрқаётгандир. Аммо "Барселона" футболчиси сифатида сиз кетма-кет икки марта пенальтида адашишингизга ҳаққингиз йўқ", - деди Куман.

Ушбу мавсумда "Барселона" 5 марта пенальтидан фойдалана олмади. Бунга қадар Лионель Месси, Антуан Гризманн, Мартин Брэйтуэйт ҳам шундай ҳолатга тушиб қолганди.

Ссылка :

Источник : Goal

Получайте новости прямо в Telegram!

Рейтинг: +11