Куман: “Барса” яхши формада. ПСЖ билан шу формада куч синашишимиз айни муддао”

“Жамоамнинг ўйинга бўлган муносабати менга маъқул бўлди. Биринчи бўлимда у қадар яхши ўйнолмадик, аммо ўйинни ўз назоратимизда сақлаб турдик. 

Бир қатор футболчиларимизга ҳордик беришга қарор қилдик. Тринкау қанотда яхши ўйин кўрсатди, аммо рақиб ҳам бўш “зона”ларни яхши ёпа олди. Рики Пуч кўп жиҳатлар бўйича ўсишга эришмоқда. У доим ўзига ишонувчан ва бор кучини майдонда сарфлаяти. Бугун у яхши ўйин намойиш этди.

Мориба ҳақида гапирадиган бўлсам, у билан суҳбатлашиб олишим керак. У бир қатор хатоларга йўл қўйди, аммо ҳали у ёш. Бу хатолар унга сабоқ бўлади.

Жамоа айни пайтда яхши формада ва ўзига ишончи юқори. ПСЖ билан ўйинимиз шу пайтда бўлиши яхши. Бу тенг кучли жамоаларнинг ўзаро қарама-қаршилиги бўлади”, дейди Куман.