Кулибали: "Челси"дек жамоанинг бир қисмига айланганимдан жуда хурсандман"

"Челси"дек жамоанинг бир қисмига айланганимдан жуда хурсандман. Бу ҳақиқатан ҳам катта клуб, дунёда жуда машҳур. Мен доим Англия Премьер-лигасида ўйнашни орзу қилганман. 2016 йилда мени илк бор "Челси" чақирган, аммо бу ҳал қилинмай қолганди.

Эндиликда улар яна бир бор мен билан боғланишди ва мен рози бўлдим, чунки уларнинг қизиқишлари катта эканлиги гувоҳи бўлдим. Трансферни қадрдон дўстларим – Эдуард Менди ва Жоржиньо билан маслаҳатлашдим. Бу менинг танловимни осонлаштирди, шу ерда эканлигимдан жуда хурсандман.

Мухлисларга алоҳида миннатдорлик билдирмоқчиман, мен уларни Лондонда ҳам, самолётда ҳам кўрдим – уларнинг барчаси мени кўрганидан шод бўлишди. Умид қиламанки, келаси мавсум муваффақиятли ўтади ва биз мухлисларга қувончли дақиқаларни тақдим этамиз", – деди футболчи.

Олдинроқ "Челси" Кулибалининг трансферини расман эълон қилганди.