Кубок финалига чиқиш ва кетма-кет ғолиб бўлиш бўйича "Пахтакор" рекордчи

"Пахтакор" жамоаси Ўзбекистон кубогини қўлга киритиш бўйича етакчи саналади. "Шерлар" 11 маротаба (1993, 1997, 2001, 2002, 2003, 2004, 2005, 2006, 2007, 2009, 2011) кубокни бошлари узра баланд кўтаришга муваффақ бўлишган. "Пахтакор" жамоаси кетма-кет бош совринни қўлга киритиш бобида ҳам рекордчи саналишади. Улар 2001-2007 йилга қадар узлуксиз биллур совринига эга чиқишган.

Шунингдек, "Бунёдкор" клуби ҳам Ўзбекистон кубоги финалида кетма-кет тўрт бор (2007, 2008, 2009, 2010) йўл олган жамоа сифатида бу кўрсаткичда иккинчи поғонада бормоқда. Улар икки маротаба яна кетма-кет тўрт бор (2012, 2013, 2014, 2015) финалга йўл олишди.

Эслатиб ўтамиз, 17 октябрь куни Жиззах шаҳрида Ўзбекистон кубоги финал учрашувида "Бунёдкор" ҳамда "Насаф" жамоалари биллур соврин учун кураш олиб боришади.