Криштиану Роналду: "Уйга қайтганимдан хурсандман"

- Криштиану, яна бир бор "Манчестер Юнайтед" футболчиси эканлигингизни ҳис қилиш қандай бўлмоқда?
- Биласиз, бу клуб билан фантастик тарихим бор. Бу ерга 18 ёшимда келганман ва 12 йилдан сўнг қайтишдан хурсандман. Жамоа таркибидаги илк ўйинимни сабрсизлик билан кутяпман.

- Клубга қайтишингизда Сер Алекснинг ўрни қандай бўлди?
- 18 ёшимда бу ерда келишимга айнан Сер Алекс сабаби бўлганди. Сер Алекс - футболдаги отам. У менга кўп ёрдам берган ва фикримча қайтишимга асосий сабабчи ҳам айнан у.

Орамиздаги муносабатлар аъло даражада, доимо гаплашиб турамиз, у ёқимли инсон. Уни ростдан ҳам яхши кўраман. Бу ерга келганим айнан унинг шарофати.

- Ҳаётингиз ва фаолиятингиздаги айнан шу қисмига келиб бу ерга қайтганингизнинг сабаби нима?
- Менимча ушбу қарорга келиш учун айни фурсат эди. Бу трансфер менга керак эди. "Ювентус"дан МЮга келдим - бу китобнинг янги боби. Жуда хурсандман, тарихда ўз изимизни қолдириб, жамоага совринлар ютишида ёрдам бермоқчиман.

- "Юнайтед" мухлисларига қандай айтар гапларингиз бор.
- Мухлислар - футболдаги асосий фактор. Энди ўтган йилги каби стадионлар бўм-бўш бўлмайди. Мухлислар - муваффақият калити. "Манчестер Юнайтед" мухлисларини яхши биламан, улар ўзгача.

Улар ҳали ҳамон мен ҳақимда қўшиқлар куйлашини биламан, бу эса мени янада бахтлироқ қилади. Уларнинг олдидаги мажбуриятим эса - майдонда яхши ҳаракат қилиб, қўлимдан келганча голлар уриб, жамоага ёрдамимни аямаслик. Умид қиламанки, мухлислар буни тезда кўришни бошлашади.