Коутиньо "Барселона" учун гол урмоқда, "Ливерпуль" усиз олдингидан ҳам кучайди

Европанинг энг кучли беш лигасида "Манчестер Сити", "Барселона" ва "Монако" айнан улардан кўпроқ натижа кўрсата олишди. Бироқ французлар ва инглизлар миллий чемпионатларидаги голларнинг қадрини бир-бирига солиштириб бўлмайди.  Филиппе Коутиньонинг жамоадан кетиши ҳам ҳеч нимани ўзгартирмади. Усиз "Ливерпуль" 10 ўйин ўтказиб, 25 гол уришга эришди. Қаранг, натижа ўсмоқда. Умуман олганда Коутиньо жамоанинг муаммоси бўлмаган. Бироқ "Ливерпуль" буни қандай уддаламоқда?

КЛОПП ФУТБОЛЧИЛАРНИНГ ЭНГ ЯХШИ ЖИҲАТЛАРИНИ ОЧИБ БЕРМОҚДА
Муҳаммад Салоҳ 25 ёшида ҳам тез югура олмасди. Юрген Клоппга келганида у майдонда ўзининг максимал кучини сарфламоқда. Унинг ўзи 36 ўйинда 30 гол ургани ҳақида шундай деди: "Унинг қўл остида мен дарвозага яқин ўйнаяпман. Олдинги мураббийларим мендан буни исташмаганди. Клопп хаттоки машғулотда ҳам мени шундай позицияда ўйнатади".
Александр-Арнольд 19 ёшидаёқ асосий футболчи, ЕЧЛда иккита, АПЛда эса битта гол уришга эришди, шунингдек, унинг ҳисобида голли пас ҳам бор, эътиборлиси у ҳимоячи. Шунингдек, ҳимоявий ўйинда ҳам жамоанинг энг яхши аъзоси. Декабрь ойи охирларида Клопп уни "боксинг дэй"даги ўйинлари ҳақида шундай деди: "У фантастик ўйнади. Трентнинг онаси қариндошлари унинг ўйинини кўргани АҚШдан келаётганини айтди. Мен эса уларга: "Бу уни асосий таркибда тушуришим учун буйруқми?", - деб айтди Клопп. Трент ўшанда "Суонси" дарвозасини ишғол этди. Трентнинг ўзи эса ўйини ҳақида шундай деди: "Биринчи бўлимда иккинчига қараганда яхшироқ ўйнай олардим".
Садио Мане тез-тез Коутиньога ўз жойини бериб қўярди. Уларнинг энг яхши кўрган нуқтаси - ўнг қанот ярим ҳимояси эди. Мавсум бошида айрим вақтларда икки футболчи алмашиб бир нуқтада тўп суришди. Баъзи вақтларда эса бири чапда, бири ўнг қанотда ҳаракат қилди ёки иккиси ҳам чап қанотда ҳаракат қилишди. Бу жиҳатни олиб қараганда Маненинг дриблинглари 30 фоизга, дарвозаларга зарбалар олдинги натижадан бир ярим баробар кўпайди. Шунингдек у урилган голлар сони бўйича ўтган йилги натижасини такрорлаб бўлди.

Роберто Фирмино эса ўтган йилгидагидан анчагина очилган. Ҳаттоки оддийгина статистикага эътибор берадиган бўлсак, у ўзининг энг яхши мавсумида гол+пас тизимида 27 очко йиғган. Бу мавсумда эса бу натижа 30га тенг. "Вест Хэм"га қарши баҳс кўрсатиб берди-ки, Фирмино дарвоза олдида ўзини эркин ҳис қилмоқда.
Бироқ Робертсон ва Жан ҳам бор. Улар ҳам жамоа таркибида яхши ўйин намойиш этишмоқда. Ҳа, Окслейд-Чемберлен ҳам ниҳоят ўзини кўрсата бошлади. "Ливерпуль"нинг ўйинларида ижодкорлик сезилмоқда, бу эса жамоанинг ҳар бир вазиятга тезда мослашиб кетаётганлигини англатади. Шу сабабли барча футболчиларнинг маҳорати очилиб бормоқда.

ҲАТОЛАР УСТИДА ИШЛАШ
Яна Салоҳга ва яна унинг кичик интервьюсига қайтамиз: "Биламан, бу мавсумда кўплаб вазиятларни ура олмадим. Бироқ камчиликларни тузатишга ҳаракат қиляпман ва бунга мураббий катта ёрдам бермоқда".
"Суонси" мағлуб этилганида Чемберлен шундай деганди: "Гол урганимдан хурсандман. Бироқ натижаларни яхшилаш керак. Рақиб дарвозаси олдида бундан-да яхшироқ ўйин намойиш этиш лозим". Ўшанда ҳисоб 5:0 бўлганди.
"Ливерпуль" футболчилари тинчланишмаяпти. Бир ўйинда учинчи голни ургандан кейин ҳам янада кўпроғини исташмоқда. Ҳаттоки олдинги вазиятлардан ҳам чиройлироқ ўйнашади. Шундай паллаларда натижа ўзидан ўзи келади.

БОСИМ - ЭНГ ЯХШИ ПЛЕЙМЕЙКЕР
Клопп қўл остида "Ливерпуль" фақатгина янгича ўйин услубида ишламоқда. Рақиблар тўпни йўқотган заҳоти футболчилар вазиятдан фойдаланишга интилишмоқда. Исбот? Кечаги ўйинда урилган голлардан иккитаси марказда прессинг эвазига юзага келди.
"Манчестер Сити" билан ўйинда ҳам жамоа фақатгина ҳимояда ўйнамади. "Ливерпуль" АПЛ етакчисини босимда тор-мор этди. "Шаҳарликлар" эса ўз хатолари қурбони бўлди. Якуний ҳисоб 4:3, "Сити" ўйин сифати борасида ҳам рақибларга мағлуб бўлди.
Коутиньосиз "Ливерпуль" майдон марказидан тезроқ ўтмоқда. Чап қанотда Мане ўйнамоқда. Филиппе кетганидан кейин эса у қанотда ҳаттоки Милнер ҳам тўп сурмоқда. Нима учун бундай? Бу тактик тартиб. Барча футболчиларга оғирлик бирдек тушиши керак.
Иккинчидан, бразилиялик футболчи билан чуқур ҳимояни бузиб ўтиш қийин бўлаётганди. Албатта, кўп пайтларда Коутиньонинг дриблинглари "Ливерпуль"га ёрдам бераётганди. "Суонси"га қарши Уэльсда кечган баҳсдаги мағлубиятда эса шундай ишни қила оладиганлар камлик қилди.
Клопп жамоани ҳали ҳам қайта қурмоқда. Лаллана ва Чемберлен асосий ишни бажармоқда. Бу натижа бермоқда, аммо ҳозирдан хулоса қилиб бўлмайди.

ҲАЛИ ТУГАМАДИ
"Ливерпуль"га қарши баҳсда рақибларнинг ҳимоясида қатор муаммолар кўзга ташланмоқда. Ҳатто Пеп Гвардиоланинг қимматбаҳо орқа чизиғида ҳам камчиликлар жуда кўп. Аммо "Ливерпуль" ҳам мукаммал жамоа эмас. Клаван, Матип ва Ловренга техника етишмаяпти. Клопп қишда 80 млнга тайёр футболчи харид қилди. Бу эса жамоани кучайтирмоқда.
Салоҳ 40 млн еврога харид қилинганди. Виржил Ван Дейк ҳам анча салоҳиятли, тезкор, ҳужум бошлашни ҳам рақиб ҳужумларини тўхтатишда ҳам фаол. Бироқ соврин ютадиган вақт келди. Чунки Клопп икки ярим йилдан буён шу ерда.