«Косонсой»да тараддуд давом этмоқда...
16 мар 2016 13:46
Новости
![](https://championat.asia/upload/storage/201684_original.jpg)
![](/upload/storage/201684_220.jpg)
«Косонсой»да тараддуд давом этмоқда...
Тўғри айрим сабаларга кўра жамоамиз Ўзбекистон кубоги мусобақасида иштирок этмаган бўлсада апрель ойининг дастлабки ҳафтасида бошланажак 1-лига турнирига тайёргарлик жараёнини ўтказмоқда. Ҳозирда жамоамиз маҳаллий футболчилар билан бирга бир қатор тажрибали футболчилар машғулотларда иштирок этишмоқда. Хусусан, Сардор Теляков, Даврон Исоқов, Сардор Асқаров, Муҳаммад Расулов, Мурод Холмонов каби ўнлаб тажрибали футболчилар ҳам жамоамиз сафида кўрикдан ўтишмоқда. Футболчиларимизни айни кунларда Абдулвосит Азизов, Меҳмон Солихўжаев, Шуҳарт Бозоров ва Олимхон Турсунхўжаевдан иборат мураббийлар штаби шуғуллантириб туришмоқда.
Клубимизга тегишли бўлган “Марказий” ўйингоҳ жорий таъмирдан чиқарилди ва янги мавсумга шай ҳолатга келтирилди.
Айтганча, ўтган йилги таркибдан Азиз Маткаримов, Сардор Сотиболдиев, Абдураззоқ Жўраевлар “Цементчи”да, Ислом Имоилов “Обод”да, Азизбек Мамазоитов ва Мирғофур Абдулбоқиевлар “Навбаҳор”да ўз фаолиятларини давом эттиришадиган бўлишди. Ўз навбатида биз уларга омад тилаб қоламиз...
Шу ўринда айтиш жоизки жамоамиз айни кунга келиб ПФЛ аъзолик бадалидан мавжуд бўлган қарздорликга барҳам берган ва бу борадаги турли миш-мишларга ўрин қолмади.
Шундай экан, мухлисларимиз жорий мавсумда ҳам севимли жамоамиздан чиройли ва мазмунли футбол кутиб қолишади. Эслатиб ўтамиз, “Косонсой” дастлабки 2 учрашувни сафарда, аниқроғи Бухорада (“Нурафшон” ва “Ғиждувон”) ўтказади.
![AMP Logo](https://championat.asia/image/logo-amp.png)
Комментарии