Корея Республикаси U-20 устози: "Мухлислар билан тўлган стадионда ўйнаш ажойиб"

- Эртанги рақибингиз Ўзбекистонга қарши қандай тайергарлик кўряпсизлар?

- Ҳар бир учрашув биз учун қийин ўтмоқда. Эртага мезбон билан ўйин ўтказамиз. Мухлисларга тўла стадионда ўйнаш ажойиб, эртанги учрашувда энг яхши ўйинимизни намойиш этишга ҳаракат қиламиз.

- Хитойга қарши қийин учрашув ўтказдингиз. Футболчиларнинг учрашувгача тикланиши бўйича хавотирланмаяпсизми?

- Биз Ўзбекистон терма жамоасидан бир кун кейин ўйнадик. Балки шу сабаб муаммолар бўлиши мункин, лекин биз  иложи борича самарали тикланишга ҳаракат қилдик. Мен эртанги учрашувга тайёргарлик кўрмоқдаман ва қолган жиҳатлар бизга халал бера олмайди.

- Ўтган йили ноябрь ойида Ўзбекистон терма жамоасига қарши 2 та ўртоқлик баҳсида қатнашдингиз. Ўзбекистон терма жамоаси ҳақида фикр билдириб ўтсангиз...

- Ўтган йили Ўзбекистон билан ўйнаганмиз ва улар жуда кучли жамоа,. Улар Осиёда энг кучлиларидан бири деб бемалол айта оламан.  Бизнинг жамоа ҳам ўтган йилги ўйинларга қараганда анча катта ўсишга эришди ва ўйлайманки, эртага чиройли ўйин кўрсатамиз.

- Мусобақа бошида рақиблар осон эди. Хитой терма жамоасига қарши эса қийин учрашув ўтказдингиз. Шу ҳақда қандай фикрдасиз?

- Бир нечта ўйинчимиз турнир бошиданоқ босқичма-босқич ўйинларини яхшилаб бормоқда, лекин баъзи бир ўйинчилар жароҳат олмоқда. Умид қиламанки, турнир сўнгига қадар ўйинчилар ўзининг энг яхши спорт формасига чиқиб олишади.