Конте Икарди билан ишлашни хоҳламаяпти ва "Интер"дан уни сотишни талаб қилмоқда

Томонлар 3 йиллик шартнома борасида келишиб олишди. 49  ёшли мутахассис мавсум учун оладиган бонуслардан ташқари йилига 9 миллион евро маош олади.

Контенинг "нерадзурри"ларга қўяётган биринчи талаби унинг режасига кирмаётган ҳужумчи Мауро Икардини сотишдан иборат.

Италиялик мураббий бу қарорга унинг футболчилик нуқтаи назаридан эмас, балки ахлоқи жиҳатидан келган.

Ўтган мавсумда жамоа ички муҳитини бузган футболчи билан мавсумни бошламоқчи эмас.

Икарди бу мавсумда сардорлик боғичидан айрилди ва футболчининг хотини ва агенти Ванда Нара билан жамоа раҳбарияти ўртасидаги норозиликлар юзага келди.

Бугун "Интер" бош мураббий Лучано Спаллеттининг истеъфосини эълон қилди.