"Комо" "Бавария"нинг ёш иқтидори билан шартнома имзолади

Мюнхен клуби форварднинг кейинги сотувидан 40% суммага эгалик қилиш ҳуқуқини сақлаб қолди.

Пизано — Туринда таваллуд топган ва "Ювентус" академияси тарбияланувчиси ҳисобланади. 2022 йилда Мюнхенга кўчиб ўтган. "Бавария" ҳамон футболчининг салоҳиятига юқори баҳо беради, айнан шу сабабли у билан алоқаларни тўлиқ узиб юбормади. Немислар нафақат унинг кейинги эҳтимолий трансферидан каттагина фоизини олади, балки уни биринчи бўлиб сотиб олиш имкониятини сақлаб қолган.