"К.К 26" акциясига 3 кун қолди! 3 кундан кейин Қаршида учрашамиз!

Қаршидаги "Геолог" залида бўлиб ўтадиган тадбир қизиқарли ўтиши кутиляпти. Айни пайтда "Насаф" ФК билан ҳамкорликда ташкиллаштирилаётган шоу мухлисларга ёқишига умид қиламиз.

Шу кунгача ўз хайриясини тадбирда беришни ният қилиб келган ўқувчилар, залга ўрнатиладиган махсус қутиларга ўз имкониятларидан келиб чиқиб пул ташлашлари мумкин бўлади. 

Тошкентдаги тадбир 29 ноябрь куни "Ёшлик" спорт залида ("Пахтакор" метро бекати ёнида) бўлиб ўтади. Унда Камолиддин Кенжаев дўстлари Ўзбекистон миллий терма жамоасига қарши бахс олиб борадилар.

Шунингдек, шу куни сайтимизнинг 4 ёши муносиб нишонланади. К.Кенжаев футболкасини харид қилган сайт ўқувчиларидан ташкил топган терма жамоа Ўзбекистон футболининг юлдузларига қарши баҳс олиб бориш имкониятига эга бўладилар. 

Футболкаларни ҳарид қилишни истаган ўқувчи +99890-988-67-55 рақамига қўнғироқ қилиши мумкин. Футболкалар сони чегараланган, 20та! Сотувдан тушган пулларнинг бари "К.К 26" акциясига қўшилади. Айнан футболкага эга бўлган ўқувчиларгина ўзбек футболи юлдузларига қарши баҳс олиб бориш имкониятига эга бўладилар. 

Шунингдек, "СА" томонидан турли номинациялар бўйича олий лиганинг энг яхшилари деб топилган футболчи ва мутахассислар махсус диплом билан рағбатлантирилади. 

Қарши тадбири режаси:

Хайрия тадбирининг ўтказиш санаси: 2014 йил 22 ноябрь

 15:00да – Хайрия тадбирини очилиш маросими, Қашқадарё вилоят ҳокимининг маърузаси.

 15:10да – Хонанда Алижон Исоқов бошчилигидаги санъаткорларнинг концерт дастури

 15:40да – “Насаф” футбол мактабининг 2005-2006 йилларда тўғилган тарбияланувчилари ўртасида футбол ўйини (10 дақиқадан икки бўлим, 5 дақиқалик танаффус).

 16:05да – Концерт дастурининг давоми

 16:15да – Камолиддин Кенжаев дўстлари ўртасида футбол шоу учрашуви (20 дақиқадан, икки бўлим, 10 дақиқа танаффус). Танаффус пайтида яна Алижон Исоқов концерт дастурини давом эттиради.

 17:05да – Хайрия дастурини якунлаш маросими.