Киберспорт. Бизникилар ҳам жаҳон чемпионатида иштирок этишадими?

Бир неча ҳафта олдин ушбу мусобақанинг саралаш учрашувлари якунига етди. Жаҳон чемпионатига чиқиш учун курашган Ўзбекистон жамоалари ва киберспортчиларининг иштироки ҳақида маълумотларни эътиборингизга ҳавола қиламиз.

Dota 2
Марказий Осиё саралаш босқичида Ўзбекистон шарафини Comeback номли жамоа ҳимоя қилди. Улар ярим финалда Қирғизистоннинг NoLifer5 жамоасига мағлуб бўлиб, жаҳон чемпионати йўлланмасидан қуруқ қолишди.
Саралаш ғолиби: NoLifer5 (Қирғизистон)

Counter-Strike: Global Offensive
Ушбу ўйин бўйича ҳам вакилларимиз муваффақиятсизликка учрашди. Ўзбекистон номидан саралаш учрашувларида қатнашган Prodigy Gaming ярим финалда Қозоғистон жамоасига мағлуб бўлди ва жаҳон чемпионати чиптасини қўлга кирита олмади.
Саралаш ғолиби: Kazakhstan (Қозоғистон)

StarCraft II
StarCraft ўйини бўйича саралаш учрашувида иштирок этган Pheonix никли иштирокчимиз ҳал қилувчи баҳсда қозоғистонлик Replicant никли рақибига мағлуб бўлди ва мундиал йўлланмасини қўлдан бой берди.

PES2019
Pro Evolution Soccer ўйинида ҳамюртимиз Салоҳиддин Эсонов Марказий Осиё саралаш босқичида ғолиб чиқди ва компютер ўйинлари бўйича Хитойда бўладиган жаҳон чемпионати (WESG) чиптасини қўлга киритди.

Шундай қилиб, мамлакатимиздан фақат бир киши (Салоҳиддин Эсонов) жаҳон чемпионати ўйинларида иштирок этади.