Кепа: "Катта хатога йўл қўйдим, мураббийдан кечирим сўрайман

Баҳс якунланишига бир неча дақиқа қолганида бош мураббий Маурицио Сарри Аррисабалага ўрнига Вилли Кабальерони туширмоқчи бўлди, аммо табло кўтарилганига қарамай, Кепа майдонни тарк этишни истамади. Натижада италиялик мутахассис ғазаб билан сув идишни ерга отди ва трибунаости йўлакчасига йўл олди. Бир неча сония ўтиб мураббий майдонга қайтди. Пенальтилар сериясида "Манчестер Сити" ғалабага эришди.

"Кеча "Челси" сафида биринчи финалда иштирок этганимдан хурсанд эдим ва жамоамнинг ўйинидан фахрланаман. Кечаги воқеалар ҳақида кўп ўйладим. Катта хатога йўл қўйганимни тушундим. Бугун мураббий, Вилли ва жамоадошларим олдида кечирим сўрамоқчиман. Мухлислардан ҳам узр сўрайман. Бундан тўғри хулоса чиқараман ва клубнинг ҳар қандай жазосига тайёрман" - деди посбон.